Sabah millimiz yoxlama matçında İordaniya ilə qarşılaşacaq.

"Football-plus.az" xəbər verir ki, oyundan öncə rəqib komandanın çalışdırıcısı Hüseyin Ammutanın mətbuat konfransı keçirilib. Sizi mütəxəssisin fikirləri ilə tanış edirik:

- Norveçə qarşı ağır məğlubiyyətdən sonra psixoloji cəhətdən komandanı oyuna necə hazırlamısız? Azərbaycanla oyundan gözləntiniz nədi?
- Biz rəqibə qarşı yaxşı oynamadıq. Matçdan sonra oyunçularla danışdıq. Sabahkı qarşılaşmadan qabaq iki məşqimiz var. Oyunlarımızı analiz edəcəyik.

- Azərbaycan Avropanın güclü millilərindən hesab edilmir. Oyunsuz qalmamaq üçün bizimlə oynadınız, yoxsa hansısa gözləntiniz var?
- Bilirik ki, Azərbaycan millisi Avropanın ən güclülərindən deyil. Buna baxmayaraq, texniki heyət rəqibə hörmətlə yanaşır. Azərbaycan yaxşı oynamağı bacarır. Millimizin bura ilk səfəridi. Səfərdə yaxşı nəticə əldə edərək, toplanışı müsbət nəticə ilə bitirmək istəyirik.

- İordaniya millisinin üzvü Omar Hani Azərbaycanda oynayır. Onunla söhbət etmisiz?
- Onun performansını izləyirik. Bu dəfəki toplanışda olmayacaq. Amma növbəti toplanışlarda şans əldə edə bilər. Daha çox sabahkı matça köklənmək istəyirik. Bilirik ki, Azərbaycan bir neçə gün öncə Belçikaya qarşı oynadı. Rəqibin son dörd oyununu izləmişik. Sabahkı görüşdə yaxşı nəticə əldə edib, geri qayıtmaq istəyirik.