“Buna qədər ardıcıl 4 turda qələbə qazanmışdıq. Qəbələyə də 3 xal üçün gəlmişdik. Matça ciddi hazırlaşmışdıq. Qələbə seriyamızı “Qəbələ” ilə oyunda da davam etdirmək istəyirdik. Lakin istədiklərimiz meydanda alınmadı. Bəzən futbolda belə də olur. Matçın gedişində baş məşqçinin verdiyi tapşırıqları yerinə yetirə bilmədik. Bu da özünü nəticədə göstərdi. Rəqib də bundan yararlanıb hesabı açdı. Özümüzə gələndə isə artıq gec idi... Tez-tez baş verən mübahisələri başa düşmək olar. Çünki “Qəbələ” əvvəlki dörd oyunun hamısında uduzmuşdu. Onlar meydana vuruşmaq üçün çıxmışdı. Mütləq xarakter nümayiş etdirib qələbə qazanmalıydılar. Bu matçda da 2 seriyadan biri qırılmalıydı. Hazırkı nəticə “Zirə”ni qane etmir. Başa düşürük ki, hələ heç nə etməmişik. Uğurlu çıxışımızı davam etdirmək üçün daha çox çalışmalıyıq. Dayanmaq olmaz. Bütün rəqiblər meydanda var gücü ilə mübarizə aparır. Heç bir oyun asan keçmir. Hər bir rəqib digərini məğlub edə bilər. Komandalardan heç bir başqalarını bir baş üstələmir... Məqsədimiz avrokuboklara vəsiqə qazanmaqdı. Mümkün olduğu qədər daha yuxarı pillələrdə qərarlaşmalıyıq. Hər oyun bizim üçün finala bərabərdi. Rəqibin kimliyindən asılı olaraq hər matça 3 xal üçün çıxırıq... Bəli, “Qarabağa”a qayıtmaq fikrim var. Lakin tam istədiyim səviyyədə deyiləm. Ordakı məqsədim əsas heyət üzvü olmaqdı. Bunun üçün “Zirə”də qalıb daha çox çalışmalıyam”.