"Qəbələ"nin futbolçusu öz oyunundan narazıdı
Misli premyer-liqasının 15-ci turunun son oyunu Sumqayıtda baş tutdu.
"Gənclik şəhəri" təmsilçisi "Qəbələ"ni qəbul edirdi. Qarşılıqlı hücumlar şəraitində keçən matç 1:1 hesabıyla başa çatdı. "Football-plus.az" saytı olaraq oyundan sonra "Qəbələ"nin futbolçusu İlkin Qırtımovun fikirlərini öyrəndik:
"Çox çətin oyun olacağını əvvəlcədən bilirdik. "Sumqayıt" doğma meydanda mübariz oyunu ilə diqqət çəkir. Qələbə qazanmamaları onları daha da təhlükəli edir. Bu gün vacib xal itirdik. Biz bütün oyunlara qələbə əzmiylə çıxırıq. Minimum məqsəd uduzmamaq, meydandan 1 xalla ayrılmaqdı".
Millinin sabiq üzvü öz performansına da toxundu:
"Ümumilikdə götürsək, pis oynamadığımı düşünürəm. Amma bugünkü matçdakı çıxışımdan narazıyam".
ABDULLA İSMAYILOĞLU
Digər xəbərlər
