“Hər iki komanda hazırda yaxşı formadadı. “Qarabağ” kimi “Həkken” də ölkə çempionatında balansı tuta bilməyib, bəzi görüşlərdə xal itirir. İsveçlilər “Qarabağ” üçün “sirli qutu”du. “Molde”nin oyunlarını izləmişəm. “Malmö”nün əsas üzvünü də transfer ediblər. Hazırda İsveçin ən yaxşı iki-üç klubu sırasındadı. Heyəti də tam komplekləşdiriblər. Ümumiyyətlə, Skandinaviya ölkələrinin futbolu həmişə fiziki cəhətdən üstün olub. Belə baxanda texniki yönləri də inkişaf etdiriblər. Düzdü, həm Bakıda, həm də İsveç və Norveçdə çətin olacaq, lakin “Qarabağ” bu komandaların hər ikisini məğlub edə bilər. Sadəcə, ağdamlıların hazırkı heyəti tam “bişməyib”. Hücuma və orta xəttə oyunu öz üzərinə götürəcək biri lazımdı. Yeni gələn braziliyalı da pis deyil, yaxşı keyfiyyətləri var”.

“Hər bir komandanın zəif cəhətləri olur. Skandinaviya klublarının fiziki cəhətdən hava toplarında digər rəqiblərindən geri qaldığını düşünürəm. Bu komandalara qarşı matçda cəldik də öz sözünü deyəcək. Kim cərimə meydançasnın daxilində daha cəld davransa, o da qolu vuracaq. Amma bu qrupda hər üç komandanın şansı var”.