"Həkken"in "Aberdin"i mübarizədən kənarlaşdırdığı matça baxırdım. Qələbəsi rəsmiləşəndən bəri hiss edirdim ki, "Qarabağ"la eyni qrupa düşəcək. Atam və əvvəlki komanda yoldaşlarım ilə artıq danışmışam. Bir çox şeyi müzakirə etmişik. İnşallah, "Qarabağ" İsveçə gələcək. Məşq və ya oyun vaxtlarımla üst-üst düşməsə, komandamı ziyarət edəcəm.
"Həkken" haqda geniş məlumatım yoxdu. İndiyə qədər heç bir oyununu başdan sona qədər izləməmişəm. Amma matçların icmalına baxmaq imkanım olub. Komanda ötən mövsüm çempion oldu. Bilindiyi kimi, İsveçdə çempion olmaq çox çətindi. Demək olar ki, eyni gücdə olan bir neçə komanda liderlik uğrunda mübarizə aparır. Bu baxımdan, "Həkken"in asanlıqla uduzacağını iddia etmək düzgün deyil. Düzdü, klub əsas bombardirlərini İngiltərə və Hollandiya klublarına satdı. Lakin yeni transferlər də edirlər. "Həkken"in adına aldanmaq olmaz. Tanınmasa da, son illərdə qazandığı uğurlar, potensiallı futbolçuları ilə gündəmə gəlməyi bacarıb. Heyətində çox sürətli oyunçular var. Ümumiyyətlə, yaxşı komandadı. Buna baxmayaraq, sonda "Qarabağ"ın qələbə qazanacağına inanıram. Məncə, öz oyunlarını oynasalar, çətin də olsa, yaxşı nəticə əldə edilə bilər".