"Sabah"ın qapıçısı Yusif İmanov və İsveç "Yurqorden"ində çıxış edən Musa Qurbanlı top-klub üçün ən çox hazır olan 100 gənc futbolçu sırasına düşüb.

"Football-plus.az" xəbər verir ki, 21 yaşlı qolkiper Beynəlxalq İdman Araşdırmalar Mərkəzinin açıqladığı siyahıda yer alıb.

İmanov 49,5 təcrübə göstəricisi ilə 55-cidi. Transfer dəyəri 700 min avrodu. Qurbanlı (46 təcrübə) isə 3,6 milyon avroluq dəyərlə 88-cidi.

Birinci sırada Portuqaliya "Benfika"sından Antoniu Silva (79,5 təcrübə) qərarlaşıb. Hücumçunun qiyməti 102,5 milyon avrodu.

Ukrayna "Şaxtyor"undan (Donetsk) Georgi Sudakov (35,6 milyon avro) ikinci, Braziliya "San-Paulu"sundan Pablo Maiya (17,4 milyon avro) üçüncü olub. Hər iki oyunçu 64,6 təcrübə göstəricisinə malikdi.