Maşike nəyə təəssüflənir?
"Araz-Naxçıvan" Misli premyer-liqasının 4-cü turunda evdə "Sumqayıt"la (1:1) heç-heçə etdi.
Oyundan sonra Naxçıvan təmsilçisinin konqolu futbolçusu Elvis Maşike "Football-plus.az"ın suallarını cavabladı:
"İlk hissə bizim üçün çətin keçdi. Fasilədən sonra isə komandamız özünə gəldi. Kollektiv halında çalışdıq və hesabı bərabərləşdirdik. Təəssüf ki, ikinci qolu vurmaq üçün yaratdığımız şansları boşa verdik".
O, növbəti turda qarşılaşacaqları "Kəpəz"lə oyun barədə də danışdı:
"Kəpəz"lə oyuna ciddi hazırlaşacağıq. Bizim üçün ən vacibi günlər keçdikcə daha da yaxşı olmaqdı. Baş məşqçimiz tapşırıqlarını verəcək. Məncə, "Kəpəz"ə qarşı yaxşı oyun göstərəcəyik".
29 yaşlı hücumçu öz performansı barədə də fikirlərini bildirdi:
"Oyundan-oyuna bu çempionata uyğunlaşmağa ehtiyacım var. Meydana çıxdığım hər oyun mənim üçün təcrübədi. Azərbaycan çempionatında rəqabət var. Baxımlı liqadı. Hər tur güclü komandalarla oynayırıq".
CAVİD ƏLİYEV
Digər xəbərlər
