“Bavariya” yeni qapıçı alıb. Bununla da komandada “çərçivə” ilə bağlı problem yoluna qoyulub.

"Football-plus.az" xəbər verir ki, Almaniya nəhəngi Daniel Peretsi sıralarına cəlb edib. Təl-Əviv “Makkabi”si ilə bağlanan müqavilənin detallarına rəsmən aydınlıq gətirilmir.

Beynəlxalq KİV bu transferin münhenlilərə təxminən 6-7 milyon avroya başa gəldiyini xəbər verib. 23 yaşlı Daniel yeni komandasında Sven Ulrayxın əvəzləyicisi olacaq. Qeyd edək ki, “Bavariya”nın əsas qapıçısı Manuel Noyer ötən mövsümün gedişində aldığı ağır zədə səbəbindən uzun müddətdi komandaya kömək edə bilmir. Onun sıraya nə vaxt dönəcəyi hələ ki dəqiq məlum deyil.

Yeri gəlmişkən, Yosip Stanişiç “Bavariya”nı müvəqqəti tərk edib. O, çıxışını Almaniyanın digər klubunda davam etdirəcək. 23 yaşlı müdafiəçi birilliyə “Bayer-04”ə icarəyə verilib. Leverkuzen klubunun Xorvatiya yığmasının oyunçusunu birdəfəlik transfer etmək hüququ yoxdu. “Bavariya”nın yetirməsi olan Yosip bundesliqanın son mövsümündə 14 oyun keçirib.