“Bavariya” və “Barselona” arasında növbəti danışıqlar da müsbət nəticələnib. Robert Levandovskini İspaniya klubuna satan Almaniya nəhəngi Adam Aznunu transfer edib.
Münhen klubunun saytının xəbərinə görə, 16 yaşlı sol cinah müdafiəçisi ilə uzunmüddətli müqavilə imzalanıb. Qeyd edək ki, Aznu əvvəlcə “Bavariya”nın yeniyetmələrdən ibarət komandasında çıxış edəcək.
Almaniyanın dəyişməz çempionunun Kris Riçardsı “Kristal Pelas”a satdığını da bildirək. 22 yaşlı müdafiəçi ilə 5 illik müqavilə imzalanıb. İngiltərə klubu bu transfer üçün “Bavariya”ya 12 milyon avro təzminat ödəyəcək.