Nəhayət, Dimitri Payet özünə yeni komanda tapıb. Maraqlıdı ki, fransalı futbolçu bundan sonra Braziliyada oynayacaq.

“Football-plus.az” xəbər verir ki, onun 2017-ci ildən şərəfini qoruduğu “Marsel” ilə müqaviləsi bu yay qüvvədən düşmüşdü. Azad agent statusu daşıyan Dimitri Avropada özünə klub tapa bilmirdi. Belə məqamda, necə deyərlər, onun dadına “Vasku da Qama” rəhbərliyi çatıb. 36 yaşlı yarımmüdafiəçinin Braziliya klubu ilə razılaşdırdığı müqavilənin şərtləri haqda rəsmi məlumat verilmir. Amma onun A seriyasında çıxış edəcəyi dəqiqdi. Maraq üçün Payetin yeni komandasının bu liqanın autsayderlər qrupunda olduğunu qeyd edək.

Təcrübəli futbolçu “Ekselsior”un yetirməsidi. Peşəkar karyerasına 2004-cü ildə Fransaya məxsus Reyunyon adasının klubunda başlayan Dimitri sonra “Nant”, “Sent-Etyenn”, “Lill”, “Marsel” və “Vest Hem”in formasını geyib. İngiltərə klubunu 2017-ci ildə tərk edəndən sonra ikinci dəfə “Marsel”ə keçib. Onun karyerasının ən uğurlu dövrü məhz bu klubla bağlıdı. Marsellilərə Liqa 1-də 258 oyunda kömək edən futbolçu 61 qolun müəllifi olub. Payetin Fransa yığmasında 2010-18-ci illərdə 38 oyuna 8 qol vurduğunu da xatırladaq.