Tovuz stadionunun VİP sektorunda neçə azarkeş oturacaq?
"Turan Tovuz"un ev oyunlarını keçirdiyi şəhər stadionunda VİP sektor yenidən istifadəyə verilib. Oyunu məhz həmin sektordan izləmək istəyən azarkeşlər 5 manatlıq bilet almalıdı.
VİP sektorda yerlərin sayı nə qədərdi? Həmin sektora mövsümlük bilet almaq mümkündümü?
“Football-plus.az” saytının bu suallarına klubun sözçüsü Süleyman Tağıyev cavab verdi:
"Bu il mövsümi biletlər satılmayacaq. VİP sektorda isə istənilən azarkeşimiz 5 manatlıq bilet almaqla yerinə tuta bilər. VİP sektorun tutumu 140 nəfərlikdi".
Mətbuat katibi stadiondakı son duruma da aydınlıq gətirdi:
"Projektorlar istisna olmaqla stadionumuz oyuna tam hazırdı. İşıq sistemləriylə bağlı avadanlıqları da ölkə xaricindən sifariş vermişik, gəlişini gözləyirik. Gələn kimi dərhal quraşdıracağıq".
ABDULLA İSMAYILOĞLU
Digər xəbərlər
