Çempionlar Liqasındakı yeganə təmsilçimiz “Qarabağ” sabah 3-cü təsnifat mərhələsinin ilk oyununa çıxacaq.

Komanda saat 20.00-da Tofiq Bəhramov adına Respublika stadionunda “Ferentsvaroş”u qəbul edəcək. “Köhlən atlar” ilk iki mərhələdə “Lex” və “Sürix”lə keçirdiyi ev oyunlarında azarkeş sayına görə birinci idi. Bu görüşləri uyğun olaraq, 27652 və 30782 nəfər tribunmadan izləmişdi.

Sabahkı oyuna da maraq böyükdü. Artıq satışa çıxdığı ilk gündə 20 min bilet satıldı. Dünən açıqlanan statistikaya görə isə 28 min bilet sahibini tapıb. Maraqlıdı, tribunalarda boş yer qalıbmı? “Football-plus.az” saytı olaraq, bu suala cavab tapmaq üçün qısa araşdırma apardıq.

Arenanın yalnız 50 və 75 manatlıq sektorlarında boş yer var. Qalan sektorların hər biri artıq “dolub”. 50 manatlıqlardan 29-cu sektora 34, 30-a 125, 31-ə 6, 37-yə 140, 38-ci sektora isə 66 bilet qalıb. VİP D və C sektorları üçün isə ümumilikdə 45 ədəd 50 manatlıq bilet sahibini gözləyir. 75 manatlıqlardan, sadəcə, 3 bilet var. Bunlardan da ikisi VİP D, biri isə VİP C sektoru üçündü. Bu rəqəmləri ümumiləşdirsək, 416 ədəd 50 manatlıq və 3 ədəd 75 manatlıq (cəmi 419 ədəd) bilet sahibini gözləyir...

ŞAİR ABDULLA