İngiltərə millisinin keçmiş oyunçusu Cek Uilşir peşəkar karyerasını başa vurub.
"Football-plus.az" xəbər verir ki, bir neçə gün əvvəl son klubu Danimarka “Orxus”undan ayrılan yarımmüdafiəçi bu barədə öz “tvitter” hesabında məlumat yayıb. Cek 30 yaşında futbolçu həyatına son qoyduğunu bildirib.
O, daha çox “Arsenal”dakı çıxışı ilə tanınırdı. London klubunun yetirməsi olan futbolçu “topçular”ın əsas komandasında 2008-ci ildə 16 yaşında debüt etmişdi. O, həmçinin icarə əsasında “Bornmut”, “Vest Hem” və “Bolton”da da oynayıb. Uilşirin İngiltərə millisində 34 matça çıxdığını da bildirək.