"Oyunun gərgin keçəcəyini əvvəlcədən bilirdik. Gəncə təmsilçisiylə oyun həmişə ağır olub. Bundan başqa, havanın istiliyi də hər iki tərəf üçün əngəl törədirdi. "Kəpəz"in son iki oyununu yaxşı incələmişdik. Rəqib əks-hücumda çox təhlükəlidi, heyətində sürətli keçid edən oyunçular var. Məhz bunun üzərində oyunumuzu qurmuşduq. Məqsəd "sarı-göylər"in sürətli hücumlarını və əks-hücumlarını boğmaqla onları cəzalandırmaq idi. Oyunun əvvəlində gəncəlilər bizə təhlükəli anlar yaşatdı. Lakin tədricən toparlanaraq rəqib qapısına qısa müddətdə iki qol vurduq. Gəncədən qələbəylə dönməyimizə çox sevinirik. Bu zəfər qarşıdakı oyunlar üçün bizə motivasiya verməlidi. Bizə dəstək vermək üçün Gəncəyə gələn azarkeşlərimizi də minnətdarlığımı bildirirəm. Sağ olsunlar, ev və səfər oyunlarında bizi tək qoymurlar".