"Türkiyədə yaxşı təlim-məşq prosesi keçib, yoldaşlıq görüşlərində gücümüzü sınasaq da, çempionat oyunu başqadı. Bütün komandalar mövsümə uğurlu başlamaq istəyir. Ona görə də ilk tur həmişə ağır, gərgin keçir. "Araz-Naxçıvan"la qarşılaşmanın çətin keçəcəyini gözləyirdik. Rəqib ilk 25 dəqiqədə bizə çox çətin anlar yaşatdı. Buna rəğmən, təzyiqə tap gətirib, səbrlə, ehtiyatlı oyunla zamanımızı gözlədik. Fasilədən sonra istəyimizə nail olduq. 3 qol vurmaqla qələbə qazandıq.

Darmadağınlı qələbə qazanmaqdan çox məmnunuq. Tovuzdan Mərdəkana gələn azarkeşlərimizə də dərin minnətdarlığımızı bildiririk. Sağ olsunlar, harda oynamağımızdan asılı olmayaraq, bizi tək qoymurlar. Amma qələbədən arxayınlaşmaq olmaz. Çempionat marafonu uzundu. Qarşıda çox çətin oyunlar var. Hər tur bizim üçün gərgin keçəcək. Heyətimizə yeni oyunçular qoşulub. Onlat toplanışda özlərini yaxşı tərəfdən göstərsələr də, hələ premyer-liqaya tam uyğunlaşmayıblar. Ona görə də onların çempionatımızda həyəcanı dadması və uyğunlaşması çox vacibdi. İnşallah, qarşıdakı oyunlarda da uğurun davamını gətirəcəyik".