“Kəpəz” daha bir futbolçunu heyətinə qatmaq üzrədi.

Bu haqda “Football-plus.az”a Gəncə təmsilçisinin baş məqşçisi Azər Məmmədov məlumat verib. Onun sözlərinə görə, klub yaxın günlərdə Latir Falla münasibətləri rəsmiləşdirəcək. “Sarı-göylər” seneqallı oyunçu ilə ikiillik müqavilə bağlamaq niyyətindədi.

Qeyd edək ki, Fall hazırda klubsuzdu. 29 yaşlı futbolçu əsasən mərkəz yarımmüdafiəçisi kimi meydana çıxır. Onun qiyməti məşhur idman statistikası portalı “Transfermarkt”da 200 min avro göstərilir. Fallın sonuncu klubu Portuqaliya “Estrela”sı olub. Adı çəkilən komanda 2022/23 mövsümündə 1-ci liqada çempion olaraq premyer-liqaya vəsiqə qazanıb. Futbolçu “Şaves”in yetirməsidi.

KƏNAN BAHADIR