"Kəpəz" premyer-liqanın yeni mövsümünə hazırlığı davam etdirir.

"Football-plus.az" xəbər verir ki, "sarı-göylər" transfer çalışmalarını sürətləndirib. Azər Məmmədov qarşıdakı "futbol ili" üçün yaxşı komanda formalaşdırmaq niyyətindədi. Bu səbəbdən də gəncəlilər həm legioner, həm də yerli futbolçu axtarışındadı. "Kəpəz"in maraq dairəsində olan oyunçulardan biri Ceyhun Nuriyevdi. "Sarı-göylər" millimizin üzvünü 1 mövsümlük icarəyə götürmək istəyir.

Qeyd edək ki, 22 yaşlı futbolçunun "Sabah"la 2024-cü ilə qədər müqaviləsi var. Ceyhun 2022/23 mövsümündə "bayquşlar"ın heyətində 26 qarşılaşmada meydana çıxıb. O, bu görüşlərdə 2 qol vurub, 4 məhsuldar ötürmə edib.

İLKİN SULTANLI