Misli Premyer Liqasının 2-ci turunda "Araz-Naxçıvan" evdə "Qəbələ"yə qalib gəlib - 2:0.

"Football-plus.az" xəbər verir ki, matçdan sonra naxçıvanlıların baş məşqçisi Azər Bağırov media nümayəndələrin suallarını cavablandırıb. Sizi mütəxəssisin fikirləri ilə tanış edirik:

- Ötən tur "Turan Tovuz"a uduzmağa layiq deyildiniz. Bugünkü matçda da üstün idiz. Tez bir zamanda komanda necə bu vəziyyətdə gətirdiniz?
- Komandanı toplamaq üçün 20 gündən artıq vaxtımız keçib. İşimiz çox çətindi. Futbolçularımıza fərdi olaraq tam başqa cür yanaşırıq. Onların motivasiyasını maksimum dərəcəyə gətirmək niyyətindəyik. İnsan hisslərlə futbol oynayır. Yaxşı komanda arzusundayıq. Oyundan-oyuna bunu inkişaf etdirəcəyik.

- Ən çox kollektivdə psixoloji amilə üstünlük vermisiz?
- Bəli. Çünki legionerlər komandaya adaptasiya olmalıdı. Hər futbolçunun meydanda öz vəzifəsi var. Onların hər birinin bütün zonalarda oynamasını istəyirik. Bizim üçün psixoloji amil əsasdı.

- Növbəti rəqibiniz "Qarabağ"dı. "Köhlən atlar"ın  Avropa Liqasında oynaması sizin xeyrinizə olan amildi?
- Bu gün çempionatda "Qarabağ" kimi komandaya qarşı oynamaq hamı üçün dərsdi.  Rəqibin avrokuboklarda oynaması amilini fikirləşmirəm. Hər həftə oyunumuzu təkmilləşdirmək, öz üslubumuzu yaratmaq istəyirik. Amma bilmirəm nə qədər vaxt aparacaq. Bu gün rəqiblərə uyğun oynayırıq. Hələ ki öz futbolumuzu oynaya  bilmirik. Vaxt lazımdı. Milli komandalara görən fasilədə vaxtımız olacaq.

- Semir Bukviçin səhvlərinə görə yeni qapıçı transfer etdiniz?
- Xeyr. Yeni qapıçı istəyirdik. Bu gün Semir Bukviçə də inanırıq. Düşündük ki, Bukviç bəlkə çətin psixoloji durumdan çıxmaya bilər. Bunu zaman göstərəcək.

CAVİD ƏLİYEV