Kristofer Nkunku bəxtsizliklə üzləşib. “Çelsi”nin yeni oyunçusunun bir neçə gün əvvəl aldığı zədə ciddidi.

"Football-plus.az" xəbər verir ki, İngiltərə klubunun rəsmi saytının xəbərinə görə, o, Dortmund “Borussiya”sı ilə yoxlama oyununda dizindən aldığı zədəyə görə növbəti mövsümün əvvəlini buraxacaq. 25 yaşlı hücumçu artıq əməliyyat olunub. London klubu Nkunkunun uzun müddətə sıradan çıxdığını açıqlayıb. “The Athletic”in yaydığı məlumata görə, fransalı ən azı 4 ay sonra məşqlərə başlaya biləcək.

Qeyd edək ki, Kristofer “Çelsi”yə iyun ayında “Leyptsiq”dən keçib. Onun paytaxt klubu ilə müqaviləsinin müddəti 6 illikdi.