Nəhayət, “Çelsi”də uzun müddət vakant olan vəzifəyə təyinat reallaşıb. İngiltərə klubu yeni idman direktorunun adını açıqlayıb.

London klubunun rəsmi saytının xəbərinə görə, hazırda “Monako”da eyni vəzifəni icra edən Lorens Stüart yaxın gələcəkdə İngiltərədə çalışacaq. O, “Çelsi”yə “knyazlıq klubu”nda işini başa vurduqdan sonra keçəcək. Stüart daha əvvəl İngiltərədə işləyib. Funksioner “Mançester Siti” və “Everton”da müxtəlif vəzifələri icra edib.

Qeyd edək ki, artıq bir neçə aydı “Çelsi”də idman direktoru funksiyasını faktiki olaraq klubun yeni həmsahibi Todd Bouli yerinə yetirir.