“Football-plus.az” xəbər verir ki, matçdan öncə qonaqların kapitanı Zoran Arseniç mətbuat konfransında iştirak edib. Sizi onun fikirləri ilə tanış edirik:
“Qısa danışacam. Biz çox şadıq ki, bu mərhələyə gəlmişik. Çünki hər bir futbolçu üçün Çempionlar Liqasının mərhələlərində oynamaq qüruruvericidi. Sabah öz oyunumuzu göstərməyə hazırıq”.
- "Qarabağ"ın əsas təhlükəsi nəyi hesab edirsən?- Birinci oyunda gördüyümüz kimi, "Qarabağ" çox güclü komandadı. Biz daha diqqətli olmalıyıq. Əsasən də, diqqətimizi "Qarabağ"ın stilinə və tempinə yönəltməliyik.
