Ardıcıl ikinci mərhələdə 2-ci yeri tutan Lando Norrisin əhval-ruhiyyəsi yerindədi.

"Football-plus.az" xəbər verir ki, 60 xalla şəxsi hesabda 8-ci pillədə qərarlaşan “Maklaren” pilotu Macarıstan “Qran-pri”sinin ardından həmkarlarımızın bəzi suallarını cavablayıb.

- Lando, fəxri kürsüdə nə baş verdi? Maks Ferstappenə verilən vaz niyə zərər gördü?
- Dəqiq deyə bilmərəm. Maks, sadəcə, onu küncə çox yaxın qoymuşdu, bu üzdən yerə düşdü.

- Burdakı emosiyalarınız Silverstounda yaşadıqlarınızdan nə dərəcədə fərqlənir?
- Fərqlər var. İlk növbədə odu ki, ardıcıl iki mərhələdə fəxri kürsüyə qalxıram. 2-ci yer bu maşın üçün fantastik nəticədi. Əslində biz ikinci olmamalıydıq.

- Birinci dövrə haqda danışın. İlk döngədən sonra məyus görünürdüz, ancaq sonradan 2-ci döngədə Lüis Hemiltonu uğurla ötdüz.
- Mən yaxşı start götürdüm, Ferstappen və Hemiltonla eyni tempi qoruyurdum, ancaq sağa çəkilə bilmədim. Nə etməli olduğumu anlamaq çətin idi. Əyləci erkən bassaydım, onlar daxili radius üzrə məni asanlıqla arxada qoyacaqdılar. İstədiyim yerdə əyləci basdım və dönməyə çalışdım, ancaq hər dəfə Maksla Lüisin maşınları yoluma çıxırdı. Yarışlarda belə olur. Komanda yoldaşım Oskar Piastri irəli çıxa bildi, ancaq 2-ci döngədə fəal çalışdım. Düşünürəm ki, bu məni xilas etdi və fəxri kürsüyə qalxmağa imkan verdi.

- “Maklaren”in Macarıstanda sürətinə görə 2-ci maşın olması ilə bağlı deyilənlərlə razısız?
- Bunu demək çətindi. Sürətə görə təxminən “Mersedes”lə bərabərik, ancaq onların təkərləri daha gec köhnəlir. Həmişə belə olub. “Mersedes”də həmişə təkərlərin deqradasiyasına nəzarət baxımından güclü olublar. Və 1-ci dövrədə 2-ci döngədən sonra Lüis bizdən irəlidə olsaydı, finişdə də bizi qabaqlayacaqdı. “Mersedes” işinin öhdəsindən əla gəlir. Ancaq elə biz də.

- Yarışdan əvvəl deyirdiz ki, çətin Silverstounda olduğu qədər yaxşı çıxış edə biləsiz. Ancaq hər şey alındı. Təəccübləndiz?
- Düzünü desəm, yox. Düşünmürəm ki, bu həftə irəlidə olacağımızı gözləyirdik. Məşqlər vaxtı “Red Bull”un maşınlar bizdən çox sürətli idi. “Red Bull”un yaxşı maşını var.