"Qarabağ"ın Çexiyada belə oyun sərgiləyəcəyini heç gözləmirdim. Komandada sanki ruh düşkünlüyü, yorğunluq vardı. Hücum potensialını tam ortaya qoya bilmədilər. Kadi, Zubir, Vaci aşağı performans sərgilədi. Təmsilçimiz hesabı açandan sonra ikinci hissədə ehtiyatlı oynamalı, maksimum top saxlamalı və sürətli əks-hücumlara çıxmalıydı. Amma "Qarabağ"ın qısa ötürmələrlə sürətlə irəli çıxmalarını görə bilmədik. Halbuki bu, təmsilçimizin ən üstün cəhətidi. Söz yox ki, rəqib də Ağdam təmsilçisini yaxşı təhlil etmişdi. Onlar "Qarabağ"ın hücumunu elə meydanın "köhlən atlar"a aid hissəsində boğurdular. Səmimi etiraf etmək lazımdı ki, "Viktoriya" komanda şəklində yaxşı müdafiə olundu, maksimun ehtiyatlı və hiyləgərcəsinə oynadılar. Amma mən də çoxları kimi bu fikirdəyəm ki, Plzen təmsilçisi keçiləcək rəqib idi. Sadəcə, "köhlən atlar"ın istədiyi oyunu sərgiləyə biıməməsi, səhvlər, bəxtsizlik təmsilçimizi qrupdan kənarda qoydu".