Marsel Zabitser “Bavariya”nı tərk edəcək. Avstriya millisinin yarımmüdafiəçisi tezliklə Dortmund “Borussiya”sının oyunçusu olacaq.

"Football-plus.az" xəbər verir ki, insayder Fabritsio Romanonun məlumatına görə, klublar artıq transferlə bağlı razılığa gəliblər. Dortmundlular münhenlilərə bonuslar daxil olmaqla 19 milyon avro ödəyəcəklər. Müqavilənin bu həftənin sonuna qədər imzalanacağı gözlənilir.

Zabitser ötən mövsümün ikinci yarısında icarə əsasında “Mançester Yunayted”də çıxış edib. Bu komandada bütün yarışlarda 18 oyun keçirib, 3 qol vurub və 1 məhsuldar ötürmə verib. 29 yaşlı futbolçunun “Bavariya” ilə müqaviləsi 2025-ci il iyunun sonuna kimi qüvvədədi.

Yeri gəlmişkən, Əmrə Canın “Borussiya”dakı aqibətinə aydınlıq gəlib. Dortmund klubu türk futbolçusu ilə müqaviləni yeniləyib. 29 yaşlı yarımmüdafiəçi ilə anlaşmanın müddəti 2026-cı ilin yayına qədər uzadılıb. Əmrə “Borussiya”da 2020-ci ildən oynayır. O, son mövsümdə bütün turnirlərdə meydana çıxdığı 38 matçda 3 qol vurub.