Dünən Qara Qarayevin “Qarabağ”dan gedişi ilə bağlı Ağdam təmsilçisinin rəsmi “feysbuk” səhifəsindəki paylaşım ictimaiyyət tərəfindən heç də birmənalı qarşılanmadı. Postda, sadəcə, oyunçunun kluba göstərdiyi xidmətlərə görə təşəkkür edilib, gələcək karyerasında uğurlar arzulanıb.

Bu paylaşım ictimaiyyətin böyük qınaq obyektinə çevirildi. Bir çoxları bildirdi ki, Qaranı daha sanballı yola salmaq olardı. Məsələ ilə bağlı “Sport24.az”a açıqlama verən “Qarabağ”ın Marketinq və Bilet meneceri, klubun sosial media hesablarına nəzarət edən Yusif Cəfərov bunları söyləyib:

Növbəti yalan və yolaverdi açıqlama. Gəlin, “Qarabağ”ın rəsmi sosial şəbəkə hesablarını nəzərdən keçirək. Nə “feysbuk”da, nə də “instaqram”da Yusif bəyin dediyi paylaşımı gördük. Niyə Qara ilə bağlı video yoxdu? Onsuz da ictimaiyyət həm “Qarabağ”a, həm də Qaraya “Neftçi”yə keçdiyinə görə acıqlıdı. Niyə belə yalan açıqlama verərək qığılcımı alovlandırırsız? Media olaraq bilirik ki, futbolçu və klub arasında hansısa problem yoxdu. Onsuz da baş məşqçi Qurban Qurbanov da, Qara da ayrılıqla bağlı açıqlama verib. Amma klubun departament rəhbərinin belə açıqlaması od olmayan yerdən tüstü çıxarır. Bunu necə başa düşək? Məsuliyyətsizlik, yoxsa mətbuat katibi olmayan klubda özbaşınalıq?

Yazını oxuyandan sonra başqa media qurumuna açıqlama verə bilərsiz ki, paylaşım etmək yaddan çıxıb. Lakin “timing” sözünün marketinqdə mənası “uyğun vaxtda planlama” deməkdi. Artıq “Neftçi” oyunçunu təqdim edib. Qaranın keçidi ilə bağlı klubun rəsmi televiziyası da maraqlı video hazırlayıb. Bəs siz Qara ilə bağlı materialı nə zaman paylaşacaqsız? Karyerasını bitirəndə?

İLKİN SULTANLI