Bu yay “Mançester Yunayted”i daha iki futbolçu tərk edib.

"Football-plus.az" xəbər verir ki, Entoni Elanqa ilə Aleks Telles yeni mövsümə başqa komandalarda başlayacaqlar.

Elanqa artıq “Nottingem Forest” ilə anlaşıb. 21 yaşlı isveçli hücumçu bu klubla müqaviləni tibbi baxışdan problemsiz keçəndən sonra imzalayacaq. Entoni ötən mövsüm bütün turnirlərdə meydana çıxdığı 26 oyunda 2 məhsuldar öötürmə verib.

Tellesin də yeni klubu müəyyənləşib. Müdafiəçi karyerasını “Əl-Nəssr”də davam etdirəcək. Kriştiano Ronaldonun çıxış etdiyi Səudiyyə Ərəbistanı klubunun ona görə bonuslar nəzərə alınmadan 4 milyon avro ödəyəcəyi məlum olub. Tellesin “Əl-Nəssr”də bonuslarsız 7 milyon avro maaş alacağı da bildirilib.