"İlk gündən özümü komandanın bir parçası hiss etdim" – “Səbail”in yeni ulduzu
“Səbail” dünən Türkiyə toplanışı çərçivəsində son yoxlama oyununu keçirdi. “Dənizçilər” superliqa təmsilçisi “Konyaspor” üzərində qələbə qazandı - 2:0. Qolları David Qomis (31) və Pedro Nuno (40) vurdu.
Maraqlıdı ki, Nuno "Kəpəz", "Sivasspor" və "Ərzurumspor"la matçlarda da fərqənmişdi. “Səbail”in qolları sıralayan və ən çox ümid bəslənilən yeni legioneri Pedro Nuno ilə danışmağı lazım bildik.
Onun "Football-plus.az"a Türkiyə toplanışı haqda söylədikləri:
“Burda hər kəs məni çox səmimi qarşıladı. İlk gündən özümü komandanın bir parçası hiss etdim. Bu futbolçu üçün çox vacib amildi. Təlim-məşq toplanışı davam edir. Güclü rəqiblərə qarşı yaxşı oyun göstərdik. Bu oyunlarda komandama kömək etdiyimə görə çox şadam. Daha yaxşısı üçün çalışmalıyıq. Qısa müddətdən sonra çempionat start götürəcək. Bunun üçün səbirsizlənirəm. Çox çalışaraq və yaxşı oyun göstərərək nəticə qazana bilərik. Komandada bu potensial var”.
Xatırladaq ki, daha əvvəl “Ərzurumspor”a 4:3 hesabıyla qalib gələn “Səbail” “Sivasspor”la heç-heçə edib – 1:1. Komanda sabah vətənə qayıdacaq.
KƏNAN BAHADIR
Digər xəbərlər
