"4 gün Bakıda təlim-məşq toplanışı keçəndən sonra Latviyaya yollandıq. Burda iki yoldaşlıq oyunu keçirdik. Düzdü, hər iki matç heç-heç bitdi, amma komandamın çıxışından razı qaldım. Sentyabrda qadınlar arasında ilk dəfə təşkil olunacaq Millətlər Liqasında Cənubi Kipr və Monteneqroya qarşı iki önəmli oyunumuz var. Cənubi Kipri təhlil etmişik. Monteneqro isə bizə tanışdı. Son dünya çempionatının seçmə mərhələsində eyni qrupda yer almışdıq. Hətta Bakıdakı görüşdə qələbə qazanmışdıq. Əsas məqsəsdimiz nöcbəti mərhələyə vəsiqə qazanmaqdı. Bunun üçün çalışacağıq".