“Bir çox ölkədə olduğu kimi, Azərbaycanda da qadın futbolu son illərdə inkişaf etməyə başlayıb. Bu prosesin sürətlənməsi baxımından çox arzulayırdıq ki, Millətlər Liqası təşkil olunsun. Xəbər bizi çox sevindirdi. Artıq hazırlığa başlamışıq. Rəqiblər bəllidi. Monteneqronu Avropa çempionatının seçmə mərhələsində keçirilən oyunlardan tanıyırıq. Onlara səfərdə məğlub olsaq da, evdə qalib gəlmişdik. Cənub Kipr və Farer adaları ilə heç vaxt qarşılaşmamışıq. Yalnız onu bilirik ki, hər iki milli Avropa çempionatının seçmə mərhələsində sonuncu olub. Lakin bu bizi yanıltmamalıdı. Matçlara çox ciddi hazırlaşmalıyıq. Hədəflədiyimiz nəticəni qazanmaq istiqamətində vacib məsələlərdən biri də yığmaya dəvət etdiyim futbolçuların fiziki və psixoloji cəhətdən tam hazır olmasıdı. Çünki heyətdə legionerlər də çıxış edəcək. Həm Türkiyədən, həm də Rusiyadan. İyulda təlim-məşq toplanışlarının təşkili nəzərdə tutulub. Hazırlıq prosesində ən çox fayda əldə edə biləcəyimiz yöndə çalışmalıyıq”.