“Çelsi” daha iki futbolçunun transferini rəsmiləşdirib.

"Football-plus.az" xəbər verir ki, İngiltərə klubu cənubi amerikalı oyunçuların keçidini həll edib.

“Santos”dan Ancelo Qabriel transfer edilib. Qeyd edək ki, o, 18 yaşında olmasına baxmayaraq, Braziliya klubunun əsas komandasında 129 oyuna çıxıb, 5 qol vurub və 10 məhsuldar ötürmə edib. Ancelo “Marakana”da “Fluminense”yə qarşı matçda 15 yaş 308 günlüyündə debüt edərək Braziliya çempionatları tarixinə ən yeniyetmə oyunçu kimi düşüb.

London klubu “İndependyente del Valye”nin (Ekvador) yarımmüdafiəçisi Kendri Paesi də transfer edib. O, İngiltərəyə 18 yaşı tamam olduqdan sonra yollanacaq. Qeyd edək ki, 16 yaşlı Kendri bu mövsüm “İndependyente del Valye”nin əsas komandasında 6 oyuna çıxıb və 1 qol vurub. Bundan əlavə, bu il keçirilən U-20-lər arasında dünya çempionatında Ekvador yğmasının heyətində 4 oyunda iştirak edib, 1 qol vurub və 3 qolun ötürməsini verib.