Cokoviç: “O da acdı, mən də...”
Londonda keçirilən “Uimbldon” turnirində kişilər arasında da finalçılar müəyyənləşib.
“Football-plus.az” xəbər verir ki, həlledici oyunda serb Novak Cokoviçlə ispan Karlos Alkaras üz-üzə gələcək.
“Böyük dəbilqə” turnirlərində 35-ci, “Uimbldon”da isə ardıcıl 5-ci dəfə finala çıxan Cokoviçin qarşıdakı oyunla bağlı fikirləri:
“Yəqin turnirin əvvəlindən ən çox gözlənilən final bu idi. İndi hər ikimiz yaxşı formadayıq. Sözsüz, mən titulu qazanmaq istəyirəm. Ot örtük qruntdan fərqlənir. Bəli, mən “Böyük dəbilqə” turnirlərinin finalında oynamaq baxımından daha təcrübəliyəm. Karlos isə motivasiyalıdı və gəncdi. O da acdı, mən də, gəlin ziyafət təşkil edək”.
