Sabah start götürəcək Uimbldon turniri ərəfəsində diqqətlər yenə əsas favoritlərdən sayılan Novak Cokoviçə yönəlib.
“Football-plus.az“ xəbər verir ki, “Böyük dəbilqə” turnirlərinin 23 qat qalibi İngiltərə turniri ilə bağlı bunları deyib:
“Hələ də uğur acıyam, daha çox “Dəbilqə”, daha çox uğur qazanmaq istəyirəm. Hələ ki həvəsim itməyib, yenə də yüksək səviyyədə mübarizə apara bilərəm. Əlbəttə, çoxları məni “Rolan Qarros”da qələbə münasibəti ilə təbrik edir, tarixi uğuru xatırladır. Ancaq eyni zamanda mən növbəti hədəfə - Uimbldona köklənmişəm. Bu, peşəkar tennisçinin həyatıdı”.