Həbib: “Taysonu yalnız Usik döyə bilər”
UFC versiyası üzrə sabiq dünya çempionu Həbib Nurməhəmmədov Frensis Nqannunun Tayson Füri ilə döyüşdə qalib gəlmək şansına bədbin yanaşır.
“Football-plus.az” xəbər verir ki, dağıstanlı idmançı oktyabrın 28-də Ər-Riyadda keçiriləcək döyüşlə bağlı belə deyib:
“Tayson Füri dünyanın ən yaxşı boksçusudu. O, tam fərqli səviyyədədi. Onlar MMA çərçivəsində döyüşsəydilər, britaniyalı çətinlik çəkərdi. Boksda isə Taysonu döyə biləsi adam görmürəm. Aleksandr Usik istisna olmaqla. Nqannu bu döyüşə görə 50-60 milyon dollar qazana bilər. Onun kasıb ailədən olduğunu bilirəm. Kimsə sənə böyük pullar təklif edirsə, götürmək lazımdı, hədəfin budusa”.
