“Qarabağ” növbəti transferini açıqlamağa hazırlaşır.

“Football-plus.az” xəbər verir ki, söhbət Patrik Andradedən gedir. Yarımmüdafiəçi ilə ikiillik müqavilə bağlanıb. Bu gün və ya sabah keçidlə bağlı məlumat ictimaiyyətə təqdim olunacaq. Artıq kabo verdeli futbolçunun forma nömrəsi də bəllidi. O, “66”nı seçib.

Görəsən, Andradenin “Qarabağ”a keçidi niyə rəsmən açıqlanmır? Bildiyiniz kimi, futbolçu “Partizan”la birtərəfli olaraq müqaviləni ləğv edib. Belə məqamlarda oyunçu ilə razılaşan yeni klub bir qədər gözləyir ki, sonradan sabiq komandası UEFA-ya şikayət etməsin. Yəni, transfer vərəqi verilməyənə qədər Andradenin keçidi açıqlana bilməzdi. Bu məsələ artıq həllini tapıb. Bu səbəbdən də afrikalının keçidinin rəsmiləşdiyi yaxın zamanda ictimaiyyətə elan olunacaq.

İLKİN SULTANLI