"Ərimə deməyin, ancaq Bekhemlə qucaqlaşmağımız xoşuma gəldi”
Londonda keçirilən “Böyük dəbilqə” seriyalı “Uimbldon” turnirində ilk həftə arxada qaldı.
Kişilər arasında mübarizədə 1/16 finalın ən böyük sensasiyası Aleksandr Zverevin Matteo Berrettiniyə uduzması oldu. Zverev məğlubiyyətin ardından rəqibi tərifləməyi lazım bildi:
“Matteoya dedim ki, belə oynamağı davam etdirsə, turniri qazana bilər. Əlbəttə, möhtəşəm oynayan başqa tennisçilər də var. Matteonu 1/8 finalda Karlos Alkarasla duel gözləyir. O da əla tennisçidi”.
Təbii ki, bu turnirin də əsas favoriti Novak Cokoviçdi. Serb ulduzun növbəti qurbanı Sten Vavrinka oldu. Cokoviç hava qaralana qədər oyunu bitirməyə çalışmasını belə izah etdi:
“İlk iki set xoşuma gəldi. Sonra bir qədər problemlə üzləşdim. Belə görünür ki, mənim səviyyəm bir qədər düşdü, o isə artırdı, tribunalar da qoşuldu. Elə hiss edirdim ki, sanki komendant saatı yaxınlaşır. Korta çıxarkən hər birimiz maksimum üç set oynayacağımızı bilirdik. Odu ki, qalib gəlmək istəyən ardıcıl üç setdə işi bitirməliydi. Bunu bacardığıma görə şadam. İlk iki setdən sonra hər şey qaydasında idi. Sonra isə bir qədər əvvəl vurğuladığım kimi, rəqib “artırdı”. Sten məni iki dəfə “Böyük dəbilqə” finalında məğlub edib. Belə vəziyyətlər üçün yetərincə təcrübəlidi. Onun təslim olmayacağını bilirdim. 2-ci setdən sonra paltarını dəyişdi və artıq başqa oyunçu kimi göründü. Ayaq-ayağa gedirdik, bu üzdən hər şeyin tay-breykdə həll olunması ədalətlidi”.
Srağagün Aleksandr Bubliki məğlub edən Andrey Rublev fəaliyyətdə olan tennisçilər arasında “Böyük dəbilqə” seriyalı bütün turnirlərin (Australian Open, US Open, “Rolan Qarros”, “Uimbldon”) 1/4 finalına vəsiqə qazanan 10-cu şəxsdi. Həmin tennisçilərin siyahısı belədi: Matteo Berrettini (İtaliya), Marin Çiliç (Xorvatiya), Novak Cokoviç (Serbiya), Karen Xaçanov (Rusiya), Endi Marrey (Böyük Britaniya), Rafael Nadal (İspaniya), Key Nisikori (Yaponiya), Yannik Sinner (İtaliya), Sten Vavrinka (İsveçrə), Andrey Rublev (Rusiya).
Qadınların mübarizəsində də sensasiya yoxdu. “Böyük üçlük” – İqa Sventek, Arina Sobolenko və Yelena Rıbakina inamla irəliləyir. Onlarla rəqabət aparmağa qadir tennisçilərdən biri də Ons Jaberdi. Tunisli xanım Devid Bekhemlə Londondakı görüşündən heyranlıqla danışıb:
“Belə gözəl adam... Onunla görüşməyi çox istəyirdim. Artıq çoxdan bu görüşü təşkil etməyə çalışırdıq. Çox sevinirəm, onunla söhbət etdim. Ümid edirəm ki, yenə də görüşəcəyik. Futbol, onun qızı, tennis haqda danışdıq. Ərimə deməyin, ancaq Bekhemlə qucaqlaşmağımız xoşuma gəldi. Xoş söhbət də alındı. Belə idmançılarla görüşmək xoşuma gəlir, ona görə ki, belələrindən çox şey öyrənə bilərəm”.
1/8 finalda belaruslu Viktoriya Azarenko ilə qarşılaşan ukraynalı Yelina Svitolina növbəti dəfə Rusiya və Belarus təmsilçiləriylə münasibətləri haqda danışıb:
“Bəli, rusiyalı və belaruslu rəqiblərlə əl sıxmamağı davam etdirəcəm. Düşünürəm ki, burda publika daha anlayışlı davranır. Parisdə bu yöndə mənə müəyyən suallar var idi, Strasburqda hər kəs mövqeyimi anlayırdı. Ümid edirəm ki, burda da elə olacaq. Mövqeyim dəyişməyib. Rəqiblərim üçün də bu yeni xəbər deyil”.
Kişilər
1/16 final
Rublev (Rusiya, 7) – Qoffen (Belçika) 6:3, 6:7 (6:8), 7:6 (7:5), 6:2
Cokoviç (Serbiya, 2) – Vavrinka (İsveçrə) 6:3, 6:1, 7:6 (7:5)
Şapovalov (Kanada, 26) – Broadi (B.Britaniya) 4:6, 6:2, 7:5, 7:5
Xurkaç (Polşa, 17) – Muzetti (İtaliya, 14) 7:6, 6:4, 6:4
Safiullin (Rusiya) - Pelya (Argentina) 7:6 (7:1), 6:4, 6:0
Bublik (Qazaxıstan, 23) – Marterer (Almaniya) 6:4, 6:1, 7:6 (7:4)
Qalan (Kolumbiya) – İmer (İsveç) 6:2, 6:7 (2:7), 7:6 (7:5), 3:6, 6:1
Sinner (İtaliya, 8) – Alis (Fransa) 3:6, 6:2, 6:3, 6:4
Leqeçka (Çexiya) - Pol (ABŞ, 16) 6:2, 7:6 (7:2), 6:7 (5:7), 6:7 (9:11), 6:2
Rune (Danimarka, 6) - Davidoviç Fokina (İspaniya, 31) 6:3, 4:6, 3:6, 6:4, 7:6 (10:8)
Yubenks (ABŞ) - O`Konnell (Avstraliya) 7:6 (7:5), 7:6 (7:3), 7:6 (7:2)
Medvedev (Rusiya, 3) – Fuçoviç (Macarıstan) 4:6, 6:3, 6:4, 6:4
Berrettini (İtaliya) - Zverev (Almaniya, 19) 6:3, 7:6 (7:4), 7:6 (7:5)
Sisipas (Yunanıstan, 5) - Cere (Serbiya) 6:4, 7:6 (7:5), 6:4
Alkaras (İspaniya, 1) – Harri (Çili, 25) 6:3, 6:7 (6:8), 6:3, 7:5
Dimitrov (Bolqarıstan, 21) - Tiafo (ABŞ, 10) 6:2, 6:3, 6:2
1/8 final
Safiullin (Rusiya) - Şapovalov (Kanada, 26) 3:6, 6:3, 6:1, 6:3
Rublev (Rusiya, 7) - Bublik (Qazaxıstan, 23) 7:5, 6:3, 6:7 (6:8), 6:7 (5:7), 6:4
Sinner (İtaliya, 8) - Qalan (Kolumbiya) 7:6 (7:4), 6:4, 6:3
Cokoviç (Serbiya, 2) - Xurkaç (Polşa, 17) 7:6 (8:6), 7:6 (8:6), 5:7, 6:4
Medvedev (Rusiya, 3) - Leqeçka (Çexiya) 6:4, 6:2 imtina
Yubenks (ABŞ) - Sisipas (Yunanıstan, 5) 3:6, 7:6 (7:4), 3:6, 6:4, 6:4
Rune (Danimarka, 6) – Dimitrov (Bolqarıstan, 21) 3:6, 7:6 (8:6), 7:6 (7:4), 6:3
Alkaras (İspaniya, 1) - Berrettini (İtaliya) 3:6, 6:3, 6:3, 6:3
Qadınlar
1/16 final
Azarenko (Belarus, 19) – Kasatkina (Rusiya, 11) 6:2, 6:4
Surenko (Ukrayna) – Boqdan (Rumıniya) 4:6, 6:3, 7:6
Sventek (Polşa, 1) – Martiç (Xorvatiya, 30) 6:2, 7:5
Vondrouşova (Çexiya) - Vekiç (Xorvatiya, 20) 6:1, 7:5
Svitolina (Ukrayna) – Kenin (ABŞ) 7:6 (7:3), 6:2
Bençiç (İsveçrə, 14) - Linett (Poşa, 23) 6:3, 6:1
Bouzkova (Çexiya, 32) – Qarsiya (Fransa, 5) 7:6 (7:0), 4:6, 7:5
Pequla (ABŞ, 4) – Koçaretto (İtaliya) 6:4, 6:0
Rıbakina (Qazaxıstan, 3) - Bulter (B.Britaniya) 6:1, 6:1
Haddad Mayya (Braziliya, 13) - Kirstya (Rumıniya) 6:2, 6:2
Kis (ABŞ, 25) - Kostyuk (Ukrayna) 6:4, 6:1
Sobolenko (Belarus, 2) - Blinkova (Rusiya) 6:2, 6:3
Aleksandrova (Rusiya, 21) - Qalfi (Macarıstan) 6:0, 6:4
Kvitova (Çexiya, 9) - Stevanoviç (Serbiya) 6:3, 7:5
Jaber (Tunis, 6) - Andreesku (Kanada) 3:6, 6:3, 6:4
Andreyeva (Rusiya) - Potapova (Rusiya, 22) 6:2, 7:5
1/8 final
Vondrouşova (Çexiya) - Bouzkova (Çexiya, 32) 2:6, 6:4, 6:3
Pequla (ABŞ, 4) - Surenko (Ukrayna) 6:1, 6:3
Sventek (Polşa, 1) - Bençiç (İsveçrə, 14) 6:7 (4:7), 7:6 (7:2), 6:3
Svitolina (Ukrayna) - Azarenko (Belarus, 19) 2:6, 6:4, 7:6 (11:9)
Kis (ABŞ, 25) – Andreyeva (Rusiya) 3:6, 7:6 (7:4), 6:2
Rıbakina (Qazaxıstan, 3) - Haddad Mayya (Braziliya, 13) 4:1 imtina
Sobolenko (Belarus, 2) - Aleksandrova (Rusiya, 21) 6:4, 6:0
Jaber (Tunis, 6) - Kvitova (Çexiya, 9) 6:0, 6:3
Digər xəbərlər
