Cəbəllütariqdə “Qarabağ”la oyuna maraq var? – AÇIQLAMA
“Qarabağ” bu gün Çempionlar Liqasının 1-ci təsnifat mərhələsində səfərdə “Linkoln Red İmps”lə qarşılaşacaq. Görüşlə bağlı bir çox məqamları “Football-plus.az” olaraq diqqətinizə çatdırmışıq. Lakin müəyyən məsələlər var ki, onlardan xəbərimiz yoxdu.
Məsələn, şəhərdə ab-hava necədi? Stadionun dolmaq ehtimalı varmı? Şəhər sakinləri “Qarabağ”a necə münasibət göstərir? Bu suallara aydınlıq gətirmək üçün Ağdam təmsilçisinin mətbuat xidmətinin əməkdaşı Elvar Quliyevlə əlaqə saxladıq. Klub rəsmisi “Football-plus.az”a bunları söylədi:
“Şəhərdə vəziyyət normaldı. Balaca yerdi. Futbol ölkəsi olmadıqları aşkar hiss olunur. Onsuz da bunu əvvəlcədən bilirdik. Tək-tük adamlar arxamızda “Qarabağ” yazılan formaları görəndə reaksiya verir. “Linkoln Red İmps”lə oyunumuz olduğunu söyləyirlər. Düzdü, İspaniyada olanda daha çox diqqət çəkirdik. Yəni, orda “Qarabağ”ı tanıyırlar. Yolda, taksidə olanda hamı bilir ki, “Qarabağ”ın üzvüyük. Çünki İspaniya futbol ölkəsidi. Amma burda vəziyyət bir az fərqlidi. Oyun saatında stadionun dolacağı gözlənilmir. Qısaca, vəziyyət belədi”.
İLKİN SULTANLI
Digər xəbərlər
