''Nəyin çatışmadığını mən bilmirəm. Bu sualı mənə yox, rəhbərliyə, heyəti quranlara, işi təşkil edənlərə ünvanlayın. Biz əlimizdən gələni etdik. Mən üzərimə düşəni etməyə çalışıram. Liqa-1-də 40-a yaxın qol vurdum. Bombardir oldum. Ardıcıl 5-ci dəfə turnirin ən yaxşı oyunçusu seçildim. ÇL-də təəssüf ki, ''Bavariya'' ilə ilk oyundan öncə zədə aldım. Cavab oyununda isə çarəsiz göründük. Amma qrup mərhələsində vacib qollar vurdum. Bəlkə də daha artığına nail ola bilərdim. Amma mən sehrbaz deyiləm. Komanda yoldaşlarım da bacardıqlarını etdilər. Amma futbolda bəzən nə etsən də, hədəfə çatmaq olmur. Ona görə də bu suala ''yuxarıdakılar'' cavab vermədi. İnsanlar mənim etdiklərimə layiqli dəyər vermir. Onlar hər həftə məni izləyirlər. Uzun illərdi yüksək məhsuldarlıq sərgiləyirəm. Qollarım və oyunum sanki adiləşib''.