''Qalatasaray'' camiəsində Mauro İkardi çılğınlığı davam edir.


“Football-plus.az” xəbər verir ki, hər kəs argentinalı forvarddan xəbər gözləyir. Baş məşqçi Okan Buruk son açıqlamasında ''ayın 25-də keçirəcəyimiz mövsümün ilk rəsmi oyununda İkardi də heyətdə ola bilər'' deməklə fanatları ümidləndirib. Bu arada fanatlar da məhşur hücumçudan əl çəkmirlər. Onun sosial şəbəkədə hər paylaşımına komandada qalması üçün minlərlə şərhlər yazılır. Danışıqlar prosesindəki son duruma gəlincə, hələ ki, hər ağızdan bir səs çıxır.

Məsələn, ''Fanatik'' nəşri iddia edir ki, ''Qalatasaray''ın son təklifi 8 milyon avrodu. Artıq son qərarı futbolçu özü verəcək. Amma başqa mənbələr iddia edir ki, ''Cim-Bom'' təklifi Türkiyə futbolu üçün görünməmiş səviyyələrə - 12 milyon avroya yüksəldib! Bu məbləğin müəyyən hissəsini sponsorlar ödəyəcək. 30 yaşlı hücumçu ərəblərin 20-25 milyon avroluq təkliflərini geri çevirərək karyerasını Türkiyədə davam etdirməyə razılıq verib və onunla üçillik müqavilə imzalanacaq. Bundan başqa İkardi həm də ''Qalatasaray''ın transfertlərini yaxından təqib edir. İndi qalır yalnız PSJ ilə anlaşmaq. Çünki İkardi müqavilə ilə hazırda məhz bu kluba məxsusdu. Hələ ki, bu iddialardan hansının doğru olduğu bilinmir. Məlum olan yalnız odu ki, İkardi hələ də heç bir Səudiyyə Ərəbistanı klubu ilə anlaşma əldə etməyib və daha çox Avropada qalmağın tərəfdarıdı.

ƏLİ