''İkardi Səudiyyə Ərəbistanından olduqca sərfəli təklif alsa da, heç kimə ''hə'' deməyib. O, Avropada, xüsusilə də bizim klubda qalmaq istəyir. Ərəblər bütün dünyada futbol industriyasını alt-üst ediblər. İndi Avropa klublarında da qeyri-müəyyənlikdi. Bütün menecerlər ərəblərin təklif edəcəyi astronomik məbləğləri gözləyir. Futbolçuların dəyərləri və tələbləri də süni şəkildə artmağa başlayıb. FİFA artıq bu duruma əl qoymalıdı. İkardi həqiqətən də çox əxlaqlı və xarakterli insandı. Bacardığı qədər ərəblərə dirənməyə çalışır. Belə desək, biz 1 təklif ediriksə, ərəblər 3 təklif edir. Bizdə qalmaq ehtimalı heç də az deyil.

Sponsor axtarışlarımız davam edir. ''Maliyyə feyr-pleyi'' əlimizi-qolumuzu bağladığı üçün sponsor dəstəyinə ehtiyacımız var. Ceko yaxşı oyunçudu. Onun rəsmiləri ən birinci bizimlə əlaqə saxlamışdı. Ceko ''Qalatasaray''da oynamaq istəyirdi. Amma onu ala bilməzdik. Çünki onu almaq İkardidən vaz keçmək mənasını verərdi. Salah ilə maraqlanmağımız haqda xəbərlər isə tamamilə uydurmadı. Onun ''Liverpul''da ötən ilki maaşı 18 milyon funt sterlinq idi və üstəlik 3 illik müqaviləsi var. Ona görə bu transferi həyata keçirməyimiz mümkün deyil''.