Vüqar Əsgərli “Şamaxı”nı gücləndirir - AÇIQLAMA
Növbəti mövsümdə 1-ci liqada iştirak edəcək, yenidən premyer-liqaya yüksəlmək niyyətində olan “Şamaxı” növbəti transferlərini həyata keçirib.
Bu barədə “Football-plus.az”a baş məşqçi Vüqar Əsgərli məlumat verib. Mütəxəssis 2 futbolçu ilə anlaşdıqlarını açıqlayıb:
“Elşad Tağıyevlə Abbas Ağazadə artıq bizimlədi. Hər biri ilə 1 illik müqavilə bağlamışıq. Başqa 2-3 yerli futbolçu ilə də danışıqlarımız davam edir. Yaxın günlərdə yekun qərarlarını bildirəcəklər”.
Qeyd edək ki, Elşad Tağıyev son “futbol ili”ni “Neftçi-2”də, Abbas Ağazadə isə “Turan Tovuz”da keçirib. Elşad Tağıyev 15 qolla komandasının bombardiri olub. “Şamaxı” daha öncə “Zaqatala”dan Cəlal Cəbrayılovu da transfer edib.
Xatırladaq ki, bir neçə gün öncə Abbas Ağazadənin "Şamaxı"ya keçəcəyini bildirmişdik.
KƏNAN BAHADIR
