“Barselona”nın Çempionlar Liqasının (ÇL) növbəti mövsümündə iştirak edib-etməyəcəyi ilə bağlı məsələyə aydınlıq gəlib. UEFA İspaniya klubunun bu turnirdə oynamasına icazə verib.


"Football-plus.az" xəbər verir ki, bilindiyi kimi, “Barselona” vaxtilə İspaniya Futbol Federasiyasının Texniki Hakimlər Komitəsinin vitse-prezidenti vəzifəsində çalışan Xose Mariya Enrikes Neqreyraya edilən ödənişlərə görə korrupsiyada şübhəli bilinir. Neqreyra 2001-18-ci illərdə Kataloniya klubundan bir sıra xidmətlərinin əvəzində 7,3 milyon avro alıb. UEFA-nın müstəntiqləri məsələ ilə bağlı daxili araşdırmanı başa çatdırıblar. Hesabatda bildirilir ki, “Barselona”nın 2023/24 mövsümündə ÇL-də iştirakına icazə verilir. Lakin UEFA “Neqreyra işi” ilə bağlı növbəti faktlar ortaya çıxacağı halda bu məsələyə yenidən baxacaq.

Qeyd edək ki, “Barselona” Xavi Ernandesin başçılığı altında ötən mövsüm La Liqanın qalibi olub.