“Sabah” Lüksemburq millisinin üzvünü “qaralayıb”
2023/24 mövsümünün hazırlığını davam edirən “Sabah” yeni transfer etməyi planlaşdırır.
“Football-plus.az” xəbər verir ki, “bayquşlar” Lüksemburq millisinin üzvü Vinsent Tillə maraqlanır. 23 yaşlı futbolçu hazırda İsveçin AİK klubuna məxsusdu. Yarımmüdafiəçi 2022/23 mövsümünü “Vorskla”da keçirib. Lakin Ukrayna çempionatında meydana çıxmayıb. Tillin AİK-lə 1 illik müqaviləsi var. Bakı klubu onu “rənglərinə bağlamaq” istəyir. İsveç təmsilçisi gənc futbolçunu ucuz qiymətə satmaq niyyətindədi. Maraq üçün qeyd edək ki, Till artıq “Sabah”ı “instaqram” hesabında izləməyə başlayıb.
Məsələ ilə bağlı klubun mövqeyini öyrəndik. “Sabah”ın mətbuat xidmətinin rəhbəri Elnur Həmidov Vinsent Tillin keçidi ilə bağlı bunları söylədi:
“Hazırda transfer çalışmalarımız davam edir. Ancaq siyahımızda olan futbolçularla bağlı məlumat verə bilmərik. Hansısa oyunçu ilə rəsmi anlaşma əldə etsək, bu haqda ictimaiyyətə açıqlama verəcəyik”.
İLKİN SULTANLI
Digər xəbərlər
