“Qalatasaray”dan sonra daha bir Türkiyə klubu Bakıya gəlməyi planlaşdırır. Söhbət “Beşiktaş”dan gedir. İstanbul təmsilçisi yoldaşlıq matçı ilə bağlı Azərbaycan klubları ilə danışıq aparır.

"Football-plus.az" olaraq məsələ ilə bağlı “Sabah”ın mövqeyini öyrəndik. Klubun mətbuat katibi Elnur Həmidov mövzu ilə bağlı bunları söylədi:

"Beşiktaş"la yoldaşlıq oyununun keçirilməsi ilə bağlı danışıqlar gedir. Qarşılaşmanın gələn ay təşkili nəzərdə tutulub. Bəzi detallar, məsələn, hansı məkanda keçiriləcəyi, dəqiq tarix və başqa nüanslar hələ dəqiqləşməyib. Bu məsələlər dəqiqləşdikdən sonra ictimaiyyətə ətraflı məlumat veriləcək”.
Redaksiyamıza mövzu ilə bağlı informasiya daxil olub. Rəsmi açıqlamalarda deyildiyi kimi, tərəflər hələ ki vaxt məsələsində razılığa gələ bilmir. Bundan başqa, İstanbul təmsilçisi oyunun Bakı Olimpiya Stadionunda keçirilməsini istəyir.

İLKİN SULTANLI