Birinci divizionun bombardiri komanda seçimini etdi - AÇIQLAMA
Orxan Əliyev karyerasına “Araz Naxçıvan"da davam edəcək.
Bunu "Football-plus.az"a onun özü açıqlayıb. Ötən mövsümü də adı çəkilən klubda keçirən hücumçu komanda ilə birgə növbəti "futbol ili"nə hazırlaşır.
Onun saytımıza dediklərinə keçid alaq:
"İki gündü ki, məşqlərimiz başlayıb. Premyer-liqada layiqli çıxış edə bilmək üçün çalışırıq. Hələ ki müqavilə bağlamamışam. Tezliklə baş məşqçimiz Azər Bağırovla görüşüb detalları müzakirə edəcəyik. İnanıram ki, qarşıdakı mövsüm bizim üçün uğurlu olacaq".
Qeyd edək ki, digər elita klubları da Orxan Əliyevi heyətində görmək istəyirdi. O, ötən mövsüm 1-ci liqada 27 qolla bomdardir olub.
KƏNAN BAHADIR
