“Bir çox məsələ yekunlaşmaq üzrədi. Sadəcə, heyətlə bağlı məqam sual altında idi. İcraiyyə Komitəsinin qərarından sonra bu mövzu üzərində də işlərə start verildi.

Çempion heyətdən 6-7 futbolçu ilə yola davam etmək istəyirəm. Hələ ki ad çəkmək doğru olmaz. Yeni transferlər də olacaq. Həm yerli, həm də legioner futbolçular ilə danışıqlara başlamışıq. Daha güclü komanda formalaşdırmaq istəyirik ki, premyer-liqada hədəflərimizə çata bilək.

Daha öncə də dediyim kimi, qarşıdakı mövsümdə elitada möhkəmlənməyə çalışacağıq. Növbəti illərdə isə yuxarı pillələr uğrunda mübarizə aparacağıq. Yaxın günlərdə klubdaxili iclas keçiriləcək və bir çox mövzu müzakirə ediləcək. Əvvəlcə ötən mövsüm bizimlə olan futbolçularla danışmaq lazımdı. Daha sonra AFFA-nın tələbləri üzərində çalışmalarımızı sona çatdıracağıq. Tezliklə stadion, maliyyə, infrastruktur məsələlərinin tam həlli və Müşahidə Şurasının yaradılması istiqamətində addımlar atılacaq. İnanıram ki, hər şey daha yaxşı olacaq”.

“Orxan çox istedadlı futbolçudu. Başqa klublardan təklif alması qeyri-adi hadisə deyil. Amma onunla yekun söhbətimiz baş tutmayıb. Biz təklifimizi edəcəyik, qərarı özü verəcək”.