Türkiyənin tanınmış hakimlərindən olan və ötən il karyerasını başa vuran Cüneyt Çakır ilə bağlı sürpriz şaiyə yayılıb.

"Football-plus.az" xəbər verir ki, Rusiya mətbuatının yazdığına inansaq, 47 yaşlı ədalət təmsilçisi gələn mövsüm məhz bu ölkədə işləyə bilər. Belə ki, Rusiya Futbol İttifaqı tanınmış sabiq serbiyalı hakim Milorad Majiçi Hakimlər Komitəsinin rəhbəri vəzifəsinə gətirmək istəyirsə, Çakıra bu komitədə ekspert kimi çalışmaq təklif olunub. Rusiyada eynilə Türkiyədəki kimi hakimlik daim gündəmdədi və bu mövzuda tez-tez qalmaqallar yaşanır. Bu üzdən yerli futbol ittifaqı hakimliyi əcnəbilərə tapşırmaq istəyir. Çakırın bu təklifə necə cavab verəcəyi maraqlıdı. Çünki bu yaxınlarda Türkiyə mətbuatında başqa bir iddia ortaya atılmışdı. Belə ki, onun Türkiyə Futbol Federasiyasının nəzdində fəaliyyət göstərən Hakimlər Komitəsinin yeni sədri olacağı barədə şaiyələr yayılmışdı.