Çakır son olaraq bu oyunu idarə edəcək
Bu ilin avqustunda hakimlik karyerasını başa vuran Cüneyt Çakırın son dəfə fit çalacağı oyun məlum olub.
"Football-plus.az" xəbər verir ki, bu barədə Türkiyə Futbol Federasiyasının prezidenti Mehmet Böyükekşi yerli mətbuata açıqlamasında bildirib.
O deyib ki, 46 yaşlı referi noyabrın 19-da Türkiyə və Çexiya milliləri arasında keçiriləcək yoldaşlıq oyununun ilk 5 dəqiqəsində matçı idarə edəcək. Bu, Çakırın hakimlik karyerasında sonuncu matçı olacaq.
M.Böyükekşi Çakıra federasiyada iş verilə biləcəyini də istisna etməyib: "Oturub danışacağıq. Əgər uyğun olarsa, federasiyada işlə təmin olunacaq".
Qeyd edək ki, Çakır 2006-cı ildən FİFA referisi idi. Ötən mövsümün ikinci yarısından Türkiyə Superliqasının oyunlarına təyinat almayan Çakır DÇ-2022-dən də kənarda qalıb.
Digər xəbərlər
