''Qalatasaray''ın İkardi ilə bağlı qorxduğu başına gəldi
Mauro İkardi ilə bağlı az qala hər gün yeni xəbər peyda olur.
“Football-plus.az” xəbər verir ki, ''Qalatasaray''la icarə müddəti başa çatan və yenidən PSJ-nin üzvünə çevrilən təcrübəli futbolçu gələn mövsüm harda oynayacağını yəqin, heç özü də bilmir. ''Cim-Bom'' təbii ki, fanatların sevimlisi olan bu oyunçunu daha bir il heyətdə saxlamaq istəyir. Amma İkardinin müştəriləri günü-gündən artır. ''Atletiko'' və ''Roma''nın ardından indi də Səudiyyə Ərəbistanı təmsilçiləri onun uğrunda mübarizəyə qoşulublar. Bu isə ''Qalatasaray'' rəhbərliyinin ən çox qorxduğu şey idi. Çünki maddi planda pula pul deməyən Ərəbistan klubları ilə rəqabət aparmaq çətindi. İstanbul nəhənginin yönəticisi Ərdən Timur da son açıqlamasında buna işarə vurmuşdu:
''Camiədə hər kəs İkardinin qalmasını istəyir. Amma onu saxlamaq heç asan olmayacaq. Bu mövsüm oyununa yeni şeylər qatdı və bizə daha öncə izləmədiyimiz bir İkardi izlətdi. Amma mərkəz hücumçusu axtarışında olan önəmli klublar var. Bir də işin Səudiyyə Ərəbistanı reallığı var. Fanatlar yanlış anlamasın. İkardini saxlamaq üçün əlimizdən gələni edəcəyik. Bəlkə də maddi cəhətdən özümüzü heç vaxt olmadığı qədər çətinə salmalı olacağıq. Təbii ki, Səudiyyə Ərəbistanından ona astronomik təklif gəlməsə... Əsas odu ki, Mauronu burda qalmağa razı salaq''.
Bu açıqlamadan bir gün sonra Səudiyyə Ərəbistanı klublarının İkardi ilə maraqlanması xəbərləri peyda oldu. İtaliyalı jurnalist Fabritsio Romanonun iddiasına görə ''Əl-Tavun'' rəsmiləri Vanda Nara ilə görüşərək ona rəsmi təklif irəli sürmək niyyətindədilər. Amma məbləğ açıqlanmayıb. Problem ondadı ki, Ərəbistanın başqa klubları da İkardiyə maraq göstərir. Amma Romanonun xəbərinə görə argentinalı gələcəyi ilə bağlı hələ heç bir qərar qəbul etməyib. Bu məsələdə PSJ rəhbərliyinin qərarı da az əhəmiyyət kəsb etməyəcək,
Digər xəbərlər
