Bu mövsüm premyer-liqamıza rəng qatan "Sabah" Konfrans Liqasına ciddi hazırlaşır.

"Football-plus.az" xəbər verir ki, "bayquşlar" turnir üçün iddialı heyət formalaşdırmaq niyyətindədi. Baş məşqçi Murad Musayev indidən istədiyi futbolçuları rəhbərliyə bildirib. Bunlardan biri Şapi Süleymanovdu. Rusiyalı futbolçu sağ cinah vingeridi. Murad Musayev 21 yaşlı oyunçunu Aleksey Kaşukun yerinə oynatmaq istəyir.

Şapi "Krasnodar"a məxsusdu. Lakin icarə əsasında İsrailin "Hapoel" (Beer-Şeva) klubunda çıxış edir. 21 yaşlı vinger cari mövsümdə özünü yaxşı tərəfdən göstərib. O, cari "futbol ili"ndə ümumilikdə 38 qarşılaşmada meydana çıxıb. Bu görüşlərdə 5 qol vurub, 6 məhsuldar ötürmə edib. Futbolçunun sərbəstqalma dəyəri 2,8 milyon avrodu. Lakin "Krasnodar" onu 150 min avro qarşılığında İsrail klubuna icarəyə göndərib.

Qeyd edək ki, Şapi Rusiyanın 21 yaşadək futbolçulardan ibarət yığmasının üzvüdü.

İLKİN SULTANLI