"Kəpəz" premyer-liqanın yeni mövsümə hazırlıqlarını davam etdirir.

Football-plus.az xəbər verir ki, Gəncə təmsilçisi cari futbol ilində çempionatda sonuncu olmaq istəmir. "Sarı-göylər"in əsas məqsədi premyer-liqada möhkəmlənmək və bacardıqca yüksək pillələrdə qərarlaşmaqdı. Bu səbəbdən də klub rəhbərliyi heyətin gücləndirilməsinin yeni mərhələsinə start verib. Belə ki, gəncəlilər daha yerli futbolçular transfer etməyəcək. Baxışda olan oyunçular haqda tezliklə qərar veriləcək. Lakin Yaşar Vahabzadə hazırda əlində olan heyətdən razı deyil. Məşqçi komandanın daha da güclənməsini istəyir. Bu səbəbdən də rəhbərlikdən yeni futbolçuların transfer edilməsini istəyib.

Klubun icraçı direktoru İlqar Nadiri yerli menecerlərdən maaşı 5-7 min dollar olan futbolçuları "Kəpəz"ə təklif etmələrini xahiş edib. Gəncəlilər daha çox hücum və yarımmüdafiə mövqeyinə Cənubi Amerika və Afrikadan oyunçu transfer etmək niyyətindədi.

İLKİN SULTANLI